09/05/2013 Xa está todo listo para o lanzamento dunha nova proposta da Federación de Comerciantes e Industriais do Morrazo que premiará a fidelidade dos veciños da comarca. Mañá día 10 de Maio, as empresas asociadas participantes de Bueu, Cangas e Moaña porán en funcionamento a campaña que leva por nome “BENVIDO A BORDO”, facendo alusión ao carácter mariñeiro das nosas vilas.

09/05/2013 Informamos que Turismo Rias Baixas convoca as I Xornadas sobre Accesibilidade Universal no Turismo, un programa formativo financiado pola Deputación de Pontevedra e impartido por profesionais do COGAMI.

06/05/2013 A Federación de Comerciantes e Industriais do Morrazo – FECIMO- e NOVAGALICIA BANCO asinaron o pasado venres día 3 de maio un convenio de colaboración polo cal a entidade crediticia garantiza novas vantaxes financeiras para a pequena e mediana empresa do Morrazo, así como o seu apoio en aquelas actividades que teñan como fin a promoción económica da zona.

30/04/2013 Damos a coñecer unha nova campaña, esta vez de Primavera, baixo o lema "Benvido A BORDO!". Pretendemos chamar a atención dos consumidores do noso contorno para que participen nesta nova iniciativa utilizando unha estratexia de fidelización a través dunha TARXETA que os clientes utilizarán a modo de pasaporte.